الرئيسية > آش واقع > البروباگاندا خدامة والسلوگية دالحرب وصلات للاعلام المريكاني. مجلة “نيو يوركر”: بايدن خاصو يختار بين يكمل على طريق ترامب ولا يضحي بالامن فالمنطقة.. وأمينتو حيدر فتصريح للمجلة: كاين تهديد حقيقي للمدافعين على حقوق الانسان
11/02/2021 14:30 آش واقع

البروباگاندا خدامة والسلوگية دالحرب وصلات للاعلام المريكاني. مجلة “نيو يوركر”: بايدن خاصو يختار بين يكمل على طريق ترامب ولا يضحي بالامن فالمنطقة.. وأمينتو حيدر فتصريح للمجلة: كاين تهديد حقيقي للمدافعين على حقوق الانسان

البروباگاندا خدامة والسلوگية دالحرب وصلات للاعلام المريكاني. مجلة “نيو يوركر”: بايدن خاصو يختار بين يكمل على طريق ترامب ولا يضحي بالامن فالمنطقة.. وأمينتو حيدر فتصريح للمجلة: كاين تهديد حقيقي للمدافعين على حقوق الانسان

كود – عن  The New Yorker//

البارح نشرات المجلة الامريكية “دا نيو يوركر” مقال كاتبو الصحافي نيكولاس نياركوس، شابع بروباگاندا وكذوب، وتزييف للحقيقة.

المقال جا فيه ان الادارة الامريكية مايمكنش تبقى كتفرج والوضع كيتدهور فالصحراء، وهضر على عملية نفذها البوليساريو نهار الاثنين اللي فات بمنطقة اقا التابعة لطاطا والقريبة من الحدود الجزائرية.. علما ان هاد الخبر تم بثو فقط فالراديو ديال الجبهة!

والصحافي ماوقفش هنا، بل زاد وقال ان الحرب فالصحراء فتصاعد، والبوليساريو كدير يوميا عمليات قصف ضد قواعد الجيش المغربي.

وباش تكملها وتجملها، خدات المجلة تصريح من عند أمينتو حيدر، اكدات فيه هاد الاخيرة ان الوضع فالصحراء فعلا تدهور، واضافت: “كاين تهديد حقيقي للمدافعين عن حقوق الإنسان”، وطلبات من الرئيس جو بايدن يتراجع عن إعلان دونالد ترامب الاعتراف بسيادة المغرب على الصحراء.

وحتى ممثل جبهة البوليساريو في مريكان، مولود سعيد، عطى تصريح للصحافي نيكولاس نياركوس، قال فيه: ” كنتمناو بايدن يتراجع عن اعلان ترامب، ويجدد التزام الولايات المتحدة بتعزيز القانون الدولي فالصحراء الغربية”.

دابا هادو باغيينا نتيقو انه كاينة حرب فالمنطقة، وكل نهار عمليات كتنفد، ولهاد السبب بايدن غادي “يصحح” مادار ترامب.. نتيقو فحل مبني على الكدوب والتخربيق!

https://www.newyorker.com/news/daily-comment/how-biden-can-ease-tensions-that-trump-stoked-in-the-western-sahara

موضوعات أخرى