الرئيسية > آش واقع > البرلماني اللبار لـ”كَود”: لوكان كنت فبلاصة شباط كون انتاحرت وكل واحد بلاكتو على ظهرو
07/05/2022 13:30 آش واقع

البرلماني اللبار لـ”كَود”: لوكان كنت فبلاصة شباط كون انتاحرت وكل واحد بلاكتو على ظهرو

البرلماني اللبار لـ”كَود”: لوكان كنت فبلاصة شباط كون انتاحرت وكل واحد بلاكتو على ظهرو

عمر المزين – كود //

بعد اتهامه من طرف حميد شباط بالشفارة والفساد والبزنيس، قال عزيز اللبار النائب البرلماني المنتمي لحزب الأصالة والمعاصرة، في تصريحات لـ”كَود”، أنه إيلا كان بلاصة شباط لوكان “انتاحر” بسباب لفعايل اللي دارها طيلة السنوات داخل نقابة الاتحاد العام وحزب الاستقلال وغيرها من التنظيمات السياسية والنقابية.

وأضاف اللبار: “شباط البارح في دورة المجلس الجماعي لفاس بغا يدير الفضوى كعادته، خدا الكملة المرة الأولى والثانية وبغات يزيد الثالثة وكان كيشعل الميكرو صحّة، وقاليك كيهضر على الديمقراطية التي هي بريئة منه”.

ووجه المستثمر السياحي اللبار اتهامات للعمدة السابق شباط، وقال لـ”كود”: داك السيد راه موالف بالمشاكل والبلطجة ومابغاش يتوب ويدخل جواه، وراه معروف الانتقالات اللي دارها على عبد الرزاق أفيلال وعلى بنجلون داخل نقابة الاتحاد العام، وزيد عليهم العلوي تيتنا اللي مات ومشا فالجنازة ديالو”.

وعاد اللبار نائب رئيس المجلس الجماعي للمدينة بالتأكيد على أن شباط مشا لعدد من الأحزاب لكن رفضوه بسباب المشاكل اللي دايرها، وآخرها مشا للزيتونة وبغا يستولي عليها، مضيفا: “شباط بغا يستولي على حزب بجهة القوى وهي نفس العملية الانقلابية اللي دارها فنقابة الاتحاد العام وحزب الاستقلال، و و و”.

وفي رده على الاتهامات الخطيرة التي وجهها له خلال أشغال دورة المجلس، أمس الجمعة. قال اللبار لـ”كَود”: راه كل واحد بلاكتو على ظهرو.. كلشي معروف عند المواطنين، وحتى عند الأجهزة”.

موضوعات أخرى

26/05/2022 12:30

لقجع: كنخلصو 540 مليون درهم باش ثمن النقل العمومي ميتزادش..وزدنا 15 مليار درهم اضافية فصندوق المقاصة باش نحافضو على الاسعار

26/05/2022 12:20

فدرالية رابطة حقوق النسا: كنطالبو بإخراج هيئة المناصفة اليوم قبل غذا مع إقرار ميزانية خاصة بيها فقانون المالية الجاي باش تقدر تدير خدمتها