كود الرباط//

اليوم فالجلسة المخصصة للأسئلة الشفوية، واللي كتعتبر وسيلة دستورية مهمة لمراقبة العمل، هاجم الفريق الاشتراكي على الحكومة على غياب الوزراء، وجبدو اسم وزير فالحكومة مشا لميركان باش يتلاقا تقني.

سعيد باعزير، رئيس لجنة العدل والتشريع والنائب عن الإتحاد الإشتراكي هضر على بعض الوزراء وغيابهم عن الحضور للبرلمان، مشيرا أن وزير سافر للخارج من أجل عقد لقاء مع تقني ليس حتى في مستواه من ناحية التمثيلية ليغيب عن الجلسة العامة.

“كود” سولت البرلماني باعزيز، وقال بلي كيقصد غيثة مزور. واعتبر بلي سفرها لامريكا وغيابها عن البرلمان فضيحة للحكومة. واحتقار للعمل البرلماني.

واكد نفس البرلماني بلي بامكان مزور تصيفط شي تقني من الوزارة ولا رئيس قسم او حد يمثلها.

واش باعزيز كيقصد غياب غيثة مزور على جلسة اليوم ولا شي جلسة سابقة؟. غالبا هضر على شي جلسة سابقة.

الوزيرة مزور نشرت تدوينة على الفايسبوك تؤكد فيها بلي حاضرة للجلسة ديال اليوم بمجلس النواب باش تجاوب على عدد من الاسئلة.