كود سبور//
اعترف الدولي البرتغالي جواو فيليكس بقوة النجم المغربي أشرف حكيمي وبلي المواجهة ضدو فماتش المغرب والبرتغال فربع نهائي كأس العالم قطر 2022، غادي تكون صيبة.
وقال جواو فيليكس نجم أتليتيكو مدريد الإسباني ومهاجم المنتخب البرتغالي فالندوة الصحافية اللي كتسبق ماتش المنتخبين: “حكيمي لعاب واعر وكيلعب ففرقة كبيرة فالعالم (باريس سان جيرمان)، وسنوات هادي وهو كيأكد بلي لعاب كبير وغادي تكون المواجهة ضدو مثيرة، هو غادي يدافع على منتخب بلادو وأنا غادي ندافع على منتخب بلادي ونتمنى ربحوهم”.
وبخصوص المنتخب الوطني المغربي قال البرتغالي جواو فيليكس: “المغرب عندهم طريقتهم فاللعب وحنا درسناهم وحللنا نقاط القوة والضعف ديالهم والماتش ضدهم غادي يكون معقد وفربع النهائي كلشي ممكن وحنا موجدين لهم باش نربحوهم”.
