كود سبور//

فارق البرتغالي ديوگو جوتا نجم ليفربول النگليزي، الحياة بسبب كسيدة اليوم الخميس بمقاطعة زامورا شمال غرب الصبليون.

ووقعت الكسيدا حسب جريدة “ماركا” الإسبانية حدا فيلاج بالاسيوس دي سانابريا، فالساعات الاولى من اليوم الخميس ملي خرجت الطوموبيل اللي كان راكب فيها جوتا هو وخوه اندري (حتى هو لاعب كرة قدم)، على الطريق وتصاطحات وشعلت فيها العافيا، وما لقاوش كيفاش يعتقوهم.

وتوفي ديوگو جوتا عن عمر 28 عام، وخوه عن عمر 26 عام، ويالاه كان تزوج ودار العرس ديالو قبل ايام قليلة.