أنس العمري – كود///

مشروع القطار فائق السرعة كيعرف دابا تقدم كبير، ف أعمال تمديد خط “البراق” بين القنيطرة ومراكش حققات إنجاز رمزي وتقني مهم مع بدء أعمال مد القضبان رسميا.

هاد المشروع، اللي كتوصل الميزانية ديالو لحوالي 82 مليار درهم، كيشكل واحد من الأعمدة الأساسية فخطة تحديث قطاع النقل السككي فالمغرب. والهدف ديالو هو ربط شمال المملكة بوسطها، وتقليص كبير فمدة السفر بين المدن الكبرى.

وماشي غير الجانب التقني اللي كيتحترم فيه أعلى المعايير الدولية ديال السلامة والسرعة، ولكن حتى الأثر ديالو مستقبلا غيكون مهم بزاف. بحيث منين غيدخل الخدمة، غيساهم فتنشيط الاقتصاد والسياحة، وغيوفر وسيلة نقل سريعة وصديقة للبيئة، وبديل فعال للنقل الطرقي.