گود سبور//

خسر المنتخب البرازيلي الخصم ديال المنتخب المغربي فمونديال 2026، (خسر) ماتش أميكال اليوم الخميس مع فرنسا.

وسالا ماتش البرازيل وفرنسا اللي تلعب فبوسطن فالميريكان، بنتيجة 2-1 لمصلحة المنتخب الفرنسي واللي ديما دايرين عقدة البرازيليين، وماركا أهداف الفرنسيين كل من كيليان مبابي فالدقيقة 32، وهيگو ايكيتيكي فالدقيقة 65، أما البرازيل ماركاو هدف تقليص الفارق فالدقيقة 78 بواسطة جليسون بريمر.

هذا الماتش هو إعدادي لكأس العالم 2026، فالميريكان وكندا والمكسيك، واللي طاحو فيه البرازيل مع المنتخب المغربي فالگروب الثالث، وأول ماتش غادي يلعبوه فالمونديال غايكون ضد المغرب فنيوجيرسي.