الرئيسية > آش واقع > البام كفض على دراعو المالية.. قيادي لـ”كود”: شرينا مقر كبير قبالت لاماب وها شكون اللاعب الجديد فالعاصمة
18/10/2020 18:30 آش واقع

البام كفض على دراعو المالية.. قيادي لـ”كود”: شرينا مقر كبير قبالت لاماب وها شكون اللاعب الجديد فالعاصمة

البام كفض على دراعو المالية.. قيادي لـ”كود”: شرينا مقر كبير قبالت لاماب وها شكون اللاعب الجديد فالعاصمة

كود الرباط//

علمت “كود” من مصدر مطلع أن حزب الأصالة والمعاصرة قام بشراء مقر جديد للحزب بالعاصمة الرباط.

هاد المقر الجديد، وفق معطيات حصلت عليها “كود”، كاين قبالت وكالة المغرب العربي للأنباء “لاماب” ولي هي من أهم المؤسسات الاستراتيجية ديال الدولة.

عملية الشراء تمت بقرض بنكي، طبعا قيمة الشراء مبغاوش قادة البام يصرحو بها، رغم الاتصالات لي دارت معهم “كود”.

المقر غادي يتخصص للإدارة، يعني كل ما هو إداري تدبيري غايكون فهاد المقر.. أما المقر السياسي بوحدو فاش غايكونو اجتماعات المكتب السياسي. ولي باقي ف طريق زعير.

المعطى فهاد العلمية ديال الشراء، هي بروز وجه جديد، قطب مالي ديال البام، لي هو أديب بنبراهيم، رئيس المجلس الجهوي للمحاسبين، لي لعب دور كبير فهاد العملية.

حسب ذات المصادر فإن “البام” معول بزاف على بنبراهيم فالعاصمة، باغين يلعب دور كبير ف انتخابات 2021.

“كود” تابعت هاد الشخصية، لي بدأت كتبرز، بحيث أن هاد القيادي حضر مناقشة مشروع القانون المالية التعديلي 2020 وكيحضر دورات مجلس جماعة الرباط، وربما عينو ف عمدة المدينة.

موضوعات أخرى

24/10/2020 08:43

الناصري سبق لحساب وبغى يقولب الوداديين باعتذار غبي. بعد هاد الموسم الكارثي كتب: اعاهدكم على خدمة الوداد واذا لم اوفق ساغادر