25/04/2024 15:30
المغرب: كنرفضو إقتحام المسجد الاقصى وقيام دولة فلسطينية هو اللي غادي يساهم فإحلال السلام
كود الحسيمة ////
بعد المداخلة اللي نتاشرات لاحمد العمراوي الكاتب العام للمنظمة الديموقراطية للصيد البحري فمناظرة الحسيمة بطنجة نوضات الصداع. هاد السيد من البام حقاش عضو فالمنظمة الديموقراطية للشغل اللي التحقات بالحزب. نوضات الصداع ولكن ناض بيان ديال مجموعة من الجمعيات المهنية بالحسيمة وهاجمو العمراوي. عادي لانه جبد وزير الصيد البحري والفلاحة وجبد يوسف بنجلون رئيس غرفة الصيد البحري المتوسطي واحتكار ليسبادون والتونا الحمرا.
عطا معطيات سبق ل”كود” تحدثات عليه. الرد السياسي ايلى قدرنا نسميوه جا من الحسيمة. بيان للجمعيات المهنية كتقول للعمراوي راه غير كتخربق. انت ما عندك علاقة بالموضوع وانت اش دخلك للقطاع كاع. تنصلو منو.
ولكن شكون تنصل منو؟ 7 جمعيات مهنية كاين منير الدراز جمعية أرباب مراكب الصيد بميناء الحسيمة، وعضو غرفة الصيد المتوسطية بطنجة وكريم بنقدور نائب الكاتب إقليم الحسيمة الصيـد التقليدي. هادو بجوج من حزب العمراوي اي بثلاثة من الاصالة والمعاصرة
العمراوي قال باللي عزيز بنعزوز رئيس فريق البام في مجلس المستشارين فراسو كلشي على لقاؤو بعزيز اخنوش وزير الصيد البحري والفلاحة واوضح ان الكلمة اللي تعطاتهم ما صدقاتش
