كود الرباط//

حزب الأصالة والمعاصرة، اليوم فلجنة التعليم والثقافة والاتصال، دخل طول وعرض فالوزير شكيب بنموسى المكلف بقطاع الرياضة فالحكومة، وخاطبو بلي العرض لي قدم حول مشاركة المغرب فالالعاب الأولمبية باريس 2024 معاكس للواقع.

النائب عماد الريفي، عن فريق الأصالة والمعاصرة بمجلس النواب، قال بأن المغرب فيه 55 جامعة ملكية، استهلكو خلال 2020و2022 ما يناهز 3 مليار درهم ولكن النتائج مكانتش مزيانة.

وشدد البرلماني ذاته بأنه لي خصو يتحاسب ويجي للبرلمان هو فيصل العرايشي رئيس الوفد المغربي لاولمبياد باريس، مشددة بلي الوزارة كادير لي عليها وكتعطي الفلوس ولكن الجامعات مدارتش لي عليها.

وتابع البرلماني بالقول :”ما حد كاين الدعم السخي للجامعات فراه حتى واحد مغاديش يخلي بلاصتو وكولشي شاد فبلاصتو بلا نتائج”.

وهضر نفس البرلماني بلي  حصيلة المغرب فالالعاب الاولمبية منذ أول مشاركة، فيه 21 ميدالية في ألعاب القوى و3 فرياضة المكالمة، يعني فقط جامعة واحدة لي خدامة.

وقال البرلماني نفسه :”الحصيلة كانت محبطة وسلبية.. كنا نتمنى حضور رئيس اللجنة الأولمبية لأنه المعني بالنتائج هو المسؤول الأول والأخير على النتائج”.