كود الرباط//

انتقد أحمد التويزي، رئيس فريق الأصالة والمعاصرة، بشدة ما وصفه بـ”ضعف التواصل الحكومي” وتوضيح الإنجازات المهمة للحكومة.

وأوضح التويزي، خلال المناقشة العامة لمشروع قانون المالية 2026، أنه “الصمت على التهم التي توجه للوزراء في أي قطاع حكومي داخل البرلمان خصو أجوبة وخاص الوزراء يجاوبو”.

وأضاف: “التواصل مسألة أساسية، كنديرو بزاف د الحوايج ومكيصولوش للمواطنين لأنه عندنا تواصل ضعيف”.

ودعا التويزي باش تكون ثقافة النتائج مثل المنتخب، مشيرا بلي الزيادة في ميزانية الصحة خصها تبان فالنتائج.

التويزي قال كذلك بلي دعم المواد الأساسية بـ88 مليار درهم، بين سنتين 2024 و2025، (البوطا، الدقيق، السكر)، مخصوش يبقا خصوصا ديال غاز البوطان للي دا فعامين 53 مليار درهم، كيستفدو منو الأثرياء.

أما دعم الدقيق للي كيستفد من 16 مليار درهم، ف بعض المناطق ميمكنش تاكل هاد الدقيق، وكاين لي كيطحن الكارطون باش يوزعو. يضيف المسؤول البامي.

البام بهاد الكلمة السياسية، وجهو انتقادات لاذعة لقطاعات معينة، بحال التواصل لي شادو بنسعيد ومعهم فالحزب، والناطق الرسمي باسم الحكومة مصطفى بايتاس، للي مكيعرفش يروج للإنجازات الحكومية، وكذا لوزارة المالية للي كتصرف دعم الدقيق بلا ما تحقق فين كيمشي.