كود الرباط//
غزلان دروس، اللي كانت محسوبة على التيار ديال إلياس العماري فحزب الأصالة والمعاصرة، غادرت رسميا مجلس المستشارين، فين خدمت لسنوات فالإدارة، وكانت مرافقة لحكيم بنشماس، رئيس المجلس السابق، فالعلاقات الخارجية، وكتسافر مع الوفد ديالو فزيارات رسمية. دابا، المهدي بنسعيد جابها لوزارة الثقافة، وتعينات فمجلس الحكومي اليوم، مديرة للكتاب والخزانات والمحفوظات.
التعيين لي جا فبلاغ ديال المجلس الحكومي اليوم، يؤكد بلي الوزيعة ديال المناصب فهاد الحكومة مستمرة، ومكاين غير وظف وعين المقربين والمحسوبين على الاغلبية.
بهاد التعيين، كيبان أن “القناعة الملحة” اللي كانت البام كتهدر عليها فتمكين النساء من مناصب المسؤولية، مازال مستمرة، ولكن فإطار “خيرنا مايديه غيرنا” والولاءات الحزبية قبل من الكفاءة.
