گود سبور//

سالا الموسم عند الدولي الإسباني من اصل مغربي لامين يامال مع الفريق ديالو البارصا الاسباني بسبب الاصابة، ولكن غادي يكون حاضر مع الصبليون فمونديال 2026.

وعلنو البارصا قبل لحظات من اليوم الخميس، أن الفحوصات الطبية اللي دارها لامين يامال بينت ان عندو ديشيرور فالفخذ ديال رجليه ليسرا.

ووضحو البارصا ان لامين يامال غادي يخضع لبرنامج علاجي، وعادي يغيب على الفريق فالماتشات اللي بقاو من هذا الموسم، ومن المتوقع يكون واجد للمشاركة فالمونديال.