كود سبور//
توج البارصا بكأس السوبر الإسباني من بعدما ربح قبل لحظات، ريال مدريد حامل اللقب، فالفينال فتيران الجوهرة المشعة فالسعودية.
وسالا الماتش ما بين البارصا وريال مدريد بنتيجة 5 لجوج، لمصلحة الفريق الكتالوني اللي سجل اهدافو كل من لامين يامال وليفندوفسكي ورافينيا سجل 2 اهداف وأليكس بالدي، والهدفين ديال ريال مدريد ماركاهم كيليان مبابي ورودريگو، مع العلم أن ريال مدريد هما اللي ماركاو الاولين بهدف كيليان مبابي، والبارصا لعبو ناقصين من الدقيقة 57 بعد طرد الگول تشيزني.
وبهاد التتويج الجديد كيكون البارصا ربح كأس السوبر الإسباني للمرة 15 فالتاريخ ديالو، وهو الرقم القياسي.