گود سبور//

دارت أكاديمية البارصا فـ المغرب مبادرة تاريخية، بافتتاح أول أكاديمية لها للبنات فـ المملكة وغاتكون فـ الدار البيضاء.

وغادي توفر هذه الأكاديمية الجديدة، المُخصصة غير للبنات الصغيرات، تداريب احترافية من المستوى العالي، ضمن أسلوب البارصا والمبادئ ديال النادي اللي منها الخدمة المعقولة، والطموح، والخدمة مع لگروب، والتواضع.

هاد لاكاديمي د البارصا، غادي تستقبل غير البنات اللي عمرهم بين 5 و 17 عام، وموفرين لهم ببرنامج شامل فيه تدريب فني وتكتيكي، ومتابعة بدنية وغذائية، فرص للمشاركة فـ المسابقات المحلية والدولية.

ووضح مارك باديك المدير التقني ديال أكاديمية البارصا فـ المغرب وضح فـ تصريح له وقال: “افتتاح هاد لأكاديمي فيه رسائل قوية، حيث بغينا نعطيو للبنات المغربيات الصفارات نفس الفرص اللي عند گاع البنات باش يزيدو للقدام ويطلعو مستواهم، ويحلمو بكاريير فـ الكورة”.

أكاديمية البارصا اللي تخصصها 100% كاينة بمنطقة دار بوعزة نواحي الدار البيضاء، هدفها إلهام جيل جديد من لاعبات الكورة النسوية والمساهمة بفعالية فـ الترويج لكرة القدم النسوية بالمغرب وإفريقيا والعالم.