كود سبور//

من المنتظر يجيو البارصا يلعبو فالمغرب هذا الصيف ضد فريق مغربي حسب ما كشف عليه الإعلام الإسباني.

وقالت جريدة “موندو ديبورتيفو” الإسبانية القريبة من البارصا أن الفريق جاه عرض باش يلعب ماتش أميكال يوم 20 يوليوز الجاي بالدار البيضاء، بدون ما تقول شكون هو الخصم.

وحسب نفس المصدر فالبارصا ما عندهمش مشكل خصوصا وأنهم يقدرو يجيو يلعبو فكازا ويرجعو فالبلاصا حيث وقت الرحلة غياخذ منهم غير ساعتين تقريبا، ولكن القرار الأول والأخير هو للمدرب هانز فليك.