گود سبور//

توصلو البارصا بعرض باش يلعبو ماتش أميكال فـ دجنبر الجاي بالمغرب، حسب ما كشفت عليه جريدة موندو ديبورتيفو الإسبانية.

وكشفت الجريدة القريبة من البارصا، أن إدارة الأخيرة توصلت بجوج عروض باش الفريق يلعب ماتش أميكال خارج الصبليون، وهذا الشي ضمن سياستها باش تجيب موارد مالية أخرى، وأن العرض الأول من البيرو والعرض الثاني من المغرب.

نفس المصدر، وضح أن العرض ديال ماتش بالمغرب اكثر واقعية حيث كاين القرب الجغرافي بين إسبانيا والمملكة المغربية، والفريق غايقدر يجي يلعب بالمغرب ويرجع للصبليون فـ قل من 24 ساعة، عكس البيرو اللي بعيدة بزاف، والسفر لها غايكون متعب وخاصو لوجيستيك كبير بزاف وهذا الشي في انتظار حسم إدارة النادي لقرارها.

وذكّرت موندو ديبورتيفو أن البارصا كانو غايجيو يلعبو فـ المغرب فـ شهر يونيو اللي فات، بعدما جاهم عرض مغربي ولكن ما قبلوش.