الرئيسية > آراء > الباحث أگنوش رد على بنكيران عبر”كود”: اصحاب الاسلام السياسي عندهم الشعب والناخبين مجرد وسائل بحالهم بحال الفاشية والنازية
06/09/2021 12:00 آراء

الباحث أگنوش رد على بنكيران عبر”كود”: اصحاب الاسلام السياسي عندهم الشعب والناخبين مجرد وسائل بحالهم بحال الفاشية والنازية

الباحث أگنوش رد على بنكيران عبر”كود”: اصحاب الاسلام السياسي عندهم الشعب والناخبين مجرد وسائل بحالهم بحال الفاشية والنازية

كود الرباط//

قال عبد اللطيف أگنوش، الأستاذ الباحث في العلوم السياسية، ردا على ما جاء في كلام بنكيران بخصوص الانتخابات المقبلة حول خطورة تولي اخنوش رئاسة الحكومة ، إن “تهديدات بحال هاذي عادية ملي تجي على لسان بنكيران والپيجيدي بجوج ديال الاسباب: اولا لانهم يعتبرون الاليات الديمقراطية مجرد وسيلة للنفوذ الى ضبط المجتمع ليستفيدوا من المال العام العام بمعناه الواسع (خيرات البلاد، وظائف، عائدات الخ..)، ولا يعتبرون ان الديمقراطية “قيمة” كونية لانعاش المجتمع كولو”.

واضاف اگنوش ل”كود” :وهاد الرؤية تؤدي بالضرورة الى اعتبار الشعب والناخبين مجرد وسائل وليس كمجتمع انساني يسعى الوصول للافضل. والنتيجة الحتمية لهاذ التصور هو انعدام التصور الديمقراطي واعتبار الناخبين مجرد مطية”.

وتابع المتحدث ل”كود” :”اذا صوتات لصالحهم راه الشعب مزيان، اذا صوتات ضدهم راه الشعب مشري او مضغوط عليه او انه شعب ارعن. ومن هاذ المنظور، هاذو مستعدين لاي شيء، حتى القيام بقلاقل داخل المجتمع. وهاذا بطبيعة الحال ماشي جديد في تاريخ المجتمعات، اصحاب الاسلام السياسي هنا هم من نفس طينة فاشيين ايطاليا او نازيي المانيا في ثلاثينات القرن الماضي”.

وأكد اگنوش انه “في المقابل كاينة قاعدة اخرى يختص بها المغرب : الملك والدولة دارو من المواطنين ومن الشعب ومن الناخبين ومن المؤسسات المغربية الاخرى كالجيش والامن وكذلك المجتمع الدولي وغيرهم “شهود” على العمليات الدمقراطية في المغرب من سنة 2011 من بعد الربيع العربي”.

وشدد الباحث نفسه ل”كود” ان ” الناخبون صوتو على البيجيدي وجرّبوه عشر سنين، والان صوتو ضدو لانهم عاناوا من سياستو. والمغرب اختار انه يكمّل طريقو السياسية بنفس الوسائل الديمقراطية ورفض “سياسة التنحية او القوة او الانقلابات” كما حدث في بلدان عربية اخرى. وهاذي تحسب للنظام المغربي، والاسلاميين ماغادينش يلقاو شي سند اذا ما انقالبو على المسلسل الديمقراطي برفض عزيز أخنوش”.

وختم تصريحو ل”كود” بقوله “:واخيرا، باش تنتافض ضد المسلسل الانتخابي خاصك تكون كاتتحكم في مؤسسات الردع ديال البلاد، اي هي الجيش والامن والادارة الترابية، وهاذي الجميع، هنا وفي العالم، كايعرف شكون للي يتحكم فيها”.

موضوعات أخرى

25/09/2021 11:00

آش هادشي وصلنا ليه؟.. طبيب أخصائي التخدير فـ صبيطار سانية الرمل فـ تطوان: غادي ننتاحر قدام صحابي نهار الإثنين – تدوينة

25/09/2021 10:00

ها علاش مستبعد امثال اوجار والمنصوري وغيرهم يستوزرو فالحكومة. اخنوش قبل عامين: ايلى ربحت الانتخابات نختارو وزراء من الكفاءات الشابة