وكالات//

بعدما شدوه في فرنسا، خرجات قضية جديدة ضد الملياردير الروسي بافل دوروف، مؤسس موقع تيليغرام، والبطلة ديالها هي العشيقة ديالو السابقة.

ونشرات إيرينا بولغار، واحد البوسط في الكونط ديالها على انستغرام، كتقول فيه أن الملياردير الروسي متابع من القضاء السويري في قضية أخرى.

واكدات ان بافل متهم بانه عنفها هي وولادها فين كانو عايشين  في سويسرا، وطلبات من الناس لي باغين يعرفو كاع التفاصيل يدخلو للمواقع السويسرية.

وتعرف بافل على إيرينا من عام 2013 وباق معاها 7 سنين حتى عام 2020، وولد معاها 3 ديال الدراري بلا ميتزوج بيها، ودابا كيبان انها بغات تستغل الاعتقال ديالو باش تتشهر.

وكتقول المحامية ديال هاد السيدة ان الملياردير الروسي مكنش مهلي في ولادو وهاملهم وكيضربهم، وحيد ليهم حتى الفلوس لي كان دايرها ليهم فواحد لاكارط غيشي.

لي غادي يصدم بزاف ديال الناس اكثر فهاد الشخصية المثيرة للجدل، هو انه عندو 2 دراري خرين من مراة  أخرى، أكبر في العمر ديالهم من هاد الولاد الثلاثة.