كود سطات ///
كشفت مصادر “كود “ان عناصر المركز القضائي التابع لجدارمية الحوز يواصل مجوعة من التحقيقات مع رئيس جماعة امزميز بالاقليم ذاته بناءا على تعليمات وكيل الملك بمراكش على خلفية الفيديوهات الجنسية التي انتشرت على مواقع التواصل الاجتماعي مؤخرا.
واضافت المصادر ذاتها فرقة من عناصر المركز القضائي انتقلت يوم امس الى منزل رئيس الجماعة ،وقامت باجراء تفتيش بمنزله، كما استمعت الى شابة في انتظار الاستماع ال اخريات ،كما يتم اليوم الاستماع الى الرئيس من جديد في محضر رسمي بناء على تعليمات النيابة العامة بالمحكمة الابتدائية بمدينة مراكش وربط الاتصال بهذه النيابة العامة.
دابا لحد الان ناقص المهم وهاد الشي اللي خاصو يوصل ليه التحقيق٬ هو شكون صور هاد الفيديوات وشكون سربهم. راه هاد لبلاد كيخليو الجريمة الاساس وكيتبعو بيوتا النعاس ديال عباد الله.
القضية بدات بعد ما تسوق بطريقة مبيتة ومدروسة فيديو فالحوز فيها رئيس جماعة امزميز مع شريكتو فبيت النعاس. كيمارسو حاجة طبيعية عند كل انسان: الجنس.
عندو شريكة عندو اكثر مادام ما دارش هاد الشي بالاكراه. مادام ما دارش على قاصرات. راه ما سوقناش.
هاد الفيلم فيه ريحة انتقام سياسي. هو سبق رفع جلسة دورة فبراير العادية لسنة 2022، لأسباب وصفها بالشخصية مؤكدا تعرضه للتهديد من طرف أشخاص لا يريدونه رئيسا للجماعة السالفة ذكرها خصوصا وأن حزبه إكتسح إنتخابات 8 شتنبر.
دابا راه هاد الشي خطير. الدولة والقضاء طبعا قدامها تقطع مع هاد الممارسات ديال الابتزاز بسجن اللي سجل واللي سوق هاد الفيديوات عوض ديك التهم الغبية ديال الخيانة الزوجية ووو.
هاد الشي خاصو يبتدل مع القانون الجنائي
