الرئيسية > آراء > الامين العام لحزب ولد زروال كيهدر على المنافسة الشريفة والضغط على المرشحين. ايلى كان مشكلة فقضية بيع العلمي لشركتو ولا قضية المحروقات علاش حزبكم ضرب الطم وما عمرو هدر وعلاش كتكذب على لمغاربة. كلشي يهدر على لفضايح السياسية الا انتوما يا صحاب البام واش نسيتو السلطة دارت ارهاب لمواطنين فانتخابات 2016 لدعمكم وكون تحشم وخلي غيرك يهدر
18/04/2021 18:00 آراء

الامين العام لحزب ولد زروال كيهدر على المنافسة الشريفة والضغط على المرشحين. ايلى كان مشكلة فقضية بيع العلمي لشركتو ولا قضية المحروقات علاش حزبكم ضرب الطم وما عمرو هدر وعلاش كتكذب على لمغاربة. كلشي يهدر على لفضايح السياسية الا انتوما يا صحاب البام واش نسيتو السلطة دارت ارهاب لمواطنين فانتخابات 2016 لدعمكم وكون تحشم وخلي غيرك يهدر

الامين العام لحزب ولد زروال كيهدر على المنافسة الشريفة والضغط على المرشحين. ايلى كان مشكلة فقضية بيع العلمي لشركتو ولا قضية المحروقات علاش حزبكم ضرب الطم وما عمرو هدر وعلاش كتكذب على لمغاربة. كلشي يهدر على لفضايح السياسية الا انتوما يا صحاب البام واش نسيتو السلطة دارت ارهاب لمواطنين فانتخابات 2016 لدعمكم وكون تحشم وخلي غيرك يهدر

كود هناء ابو علي ///

البارح عبد اللطيف وهبي الامين العام لحزب الاصالة والمعاصرة جا لمؤسسة الفقيه التطواني ماشي باش يتحاور ولكن باش يدوز ميساجات. رسلوه يقول هاد الميساجات. تبريرو لدعم حزبو للقاسم الانتخابي كان مضحك بزاف. قاليك باللي الهم الاساسي خاص يكون عند كلشي هو نجاح الديموقراطية ماشي نجاح الاحزاب. عبقري زمانو صافي. باش ما يقولش باللي جهات اتصلات بقيادة حزبو اللي كلشي عارف كيفاش تصنع ولاش جا وشحال ضر الديموقراطية اللي كتحبو عندنا٬ هاد الجهات عيطات لناس الحزب وجاهم الامر باش يصوتو على القاسم الانتخابي.

هدرتو على دفاعو على الاحزاب التاريخية كيف قال٬ كيبين كيفاش كيفكر. اخر همو تصويت المواطنين اي الديموقراطية. حقاش كيعتابر السياسة وزيعة ناشي تنافس يبقى اللي صوت عليه الشعب

نرجعو لتصريحاتو لخرى اللي كضحك اكثر او كيتخلع كثر لانها جاية من سياسي. قال وهبي اللي جاه وحي من عند صحابو باش المهاجري المتابع فقضايا كثيرة يترشح ويهدر فالبرلمان كاع٬ باللي “ما يمكنش يبرئ مولاي حفيظ العلمي على 452 مليون دولار” وباللي “داز القانون وقال =العلمي= عفيتو الافريقيين ما عفيتونيش انا. زعما انت ما فراسكش” يضيف وهبي. كيهدر على قضية بيع “ساهام” لشركة “سانلام” الجنوب افريقية بمليار دولار وكيهدر على القانون اللي كان داز ايام كان بوسعيد وزير المالية والاقتصاد وفيه اعفاء للشركات اللي كتستثمر فالمغرب من اداء بعض الضرائب. يعني اللي باع غادي يخلص كاع الضرائب ولكن للي شرا واستثمر فالمغرب غادي ينقصو عليه الضرائب.

من بعد العلمي داز لاخنوش وقال باللي ما يمكنش يعفي اخنوش على 17 مليار درهم و”جود” =مؤسسة جود للتنمية اللي ادعى باللي تابعة للتجمع الوطني للاحرار  “مغرقة لمغرب بالگفاف”. بعدها قال باللي هاد المؤسسة ولات مشكلة سياسية فالمغرب.

هنا صاحبنا المحامي والسياسي كذب وبزاف بزاف. كذب فقضية العلمي ثم فقضية اخنوش. هاديك 17 مليار راها اصلا ما كايناش. ياك مجلس المنافسة تحيد الرئيس ديالو على قضية المحروقات ورئيس الدولة عين لجنة من بين اعضاءها الامين العام السابق لحزبو بصفتو رئيس مجلس المستشارين =حكيم بنشماش= وعلاش يا السي المحامي ما سولتيش صاحبك. ثم اكثر من هاد الشي. وقتاش هاد الموضوع ثار وفين كان السي وهبي وحزبو باش هاد الموضوع اثير ونوقش. علاش ما عمرنا سمعنا صوتو. اش وقع حتى خرج دابا.

فقضية مؤسسة جود للتنمية. هادي راه عندها شي عشرين عام ماشي غير اليوم. صحيح ان نشاطها تزاد من 2015 لكن راه ما بداتش اليوم فهاد العام باش يقول باللي “جود” صبحات مشكلة سياسية. ثم هاد “جود” مؤسسة تابعة ل”اكوا” ماشي للاحرار. شركات كثيرة كيدير نفس الخدمة عبر مؤسساتها. كون السي وهبي هدر على هاد الشي هادي 4 سنين ديك الساعة نحتارمو موقفو.

من الامور المستفزة بزاف بزاف فكلمتو هو باش هدر على “الصراع غير المتكافئ” مع “الاحرار” او “العدالة والتنمية” وعلى التنافس الشريف فالسياسة. كيفاش واحد من البام كيوظف هاد لكلام. كيفاش كيستحمر كاع لمغاربة بهاد العبارات.

كيفاش هاد البام خرج وفين كان وهبي باش دارت مسيرة ولد زروال وباش السلطة كلها وقفات مع البام بصحافتها تقريبا كلها بجمعياتها بتلفزيوناتها باش يطيحو بنكيران وفشلو. كيفاش وهبي كيهدر وهو من حزب الشيوخ ولمقدمين اللي دارو ليه الحملة الاخيرة ووقع ترهيب لرجال الاعمال ومنعو اعيان يترشحو باش البام يربح واليوم كيهدر على المنافسة الشريفة.

شوف يا وهبي ممكن هاد لكلام اللي قلتيه واخا فيه كذوب ومغالطات وفايك٬ نقبلوه لو قالو ناس العدالة والتنمية. لو قالو نبيل بنعبد الله. لو قالو حتى حزب الاستقلال اللي مع الاحرار حزبكم اللي هو البام سطا على مرشحيهم وجابهم عندو بالنهديد٬ لكن كلشي يهدرو على المنافسة الشريفة فالسياسة الا البام. كلشي كلشي حتى الحركة الشعبية والاتحاد الدستوري … الا حزبكم. عندو خطيئة الولادة. ضر المغرب كثر ما نفعو.

موضوعات أخرى

14/05/2021 19:00

فأكبر بؤرة وبائية ف المغرب. ضريبة الاستهتار فزمان الجايحة بدا كايخلصها حتى الحيوان.. كمامة مستعملة مرمية فالجردة وحلات فعنق ديال حمامة – تصاور

14/05/2021 18:00

فالوقت اللي زعيمها مخبي من العدالة و دخلوه لإسبانيا بوثائق مزورة.. البوليساريو هاجمات عاوتاني مجلس الأمن وكاتحاول تلعب بورقة حقوق الإنسان