كود سبور//

رجع الدولي الالماني السابق إلكاي گوندوگان لمانشستر سيتي النگليزي، بعد دوز موسم واحد مع البارسا الاسباني.

وأعلن مانشستر سيتي رجوع إلكاي گوندوگان المعتزل دوليا إلى صفوف الفريق، فصفقة تنازل فيها اللاعب على المستحقات ديالو باش يخرج من البارسا، والفريق الإسباني وافق حيث محتاج يكونفوكي لاعب آخر فبلاصتو نظرا للوضع المالي الصعب اللي كايعيشو النادي.

وودع گوندوگان البارسا بميساج على أنستغرام ديالو، وقالهم انه عطى كل ما عندو للفريق فموسم كان صعيب، ودابا مشى بحالو وكايتمنى الرحيل ديالو ينفع النادي ماليا.