كود الرباط//

كشف تقرير المندوبية العامة لإدارة السجون وإعادة الإدماج، بمناسبة مناقشة ميزانية سنة 2026، أن عدد السجناء فالمغرب وصل حتى لـ 95 ألف و658 معتقل إلى غاية 30 شتنبر 2025.

هاد الرقم، رغم أنه نقص مقارنة مع سنة 2024 اللي كانت فيها الساكنة السجنية 105 آلاف شخص، إلا أنه كيبقى مرتفع بزاف مقارنة مع سنة 2020 اللي كان فيها حوالي 85 ألف سجين فقط.
الذكور كيمثلو 97,4% من الساكنة السجنية، مقابل 2,6% فقط ديال النساء.

من ناحية التوزيع الجغرافي، جهة الدار البيضاء – سطات كتسجل الرقم الأعلى بـ 19.249 سجين (20,1%)، متبوعة بجهة الرباط – سلا – القنيطرة بـ 16.767 سجين (17,5%)، وجهة فاس – مكناس بـ 15.054 سجين (15,7%).
أما جهة الداخلة – وادي الذهب، فكتجي فآخر اللائحة بـ 354 سجين فقط.
رغم ارتفاع المساحة الإجمالية للإيواء إلى 179.430 متر مربع، فالمساحة المخصصة لكل سجين ما زالت محدودة: 1,88 متر مربع فقط.