الرئيسية > آش واقع > الاصابات تراجعو شوية والموت حتى هي. حصيلة كورونا هاد 24 ساعة: 609 تصابو و115 تشافاو و3 ماتو.. الطوطال: 20887 حالة و16553 متعافي و316 متوفى و4018 كيتعالجو
27/07/2020 17:30 آش واقع

الاصابات تراجعو شوية والموت حتى هي. حصيلة كورونا هاد 24 ساعة: 609 تصابو و115 تشافاو و3 ماتو.. الطوطال: 20887 حالة و16553 متعافي و316 متوفى و4018 كيتعالجو

الاصابات تراجعو شوية والموت حتى هي. حصيلة كورونا هاد 24 ساعة: 609 تصابو و115 تشافاو و3 ماتو.. الطوطال: 20887 حالة و16553 متعافي و316 متوفى و4018 كيتعالجو

عفراء علوي محمدي- كود//

علنات وزارة الصحة على تسجيل 609 إصابة بفيروس كورونا المستجد فهذ 24 ساعة الأخيرة، وهكذا وصل عدد المصابين فالمجموع لـ20887، أي بمعدل 57,5 لكل 100 ألف نسمة.

وكشف معاذ المرابط، منسق المركز الوطني لعمليات الطوارئ العامة بوزارة الصحة، فالندوة اليومية للترصد الوبائي لفيروس كورونا المستجد، أن هذ الحالات تسجلات أغلبها فكازا سطات (211)، بينما سجلات مراكش آسفي 131، طنجة تطوان الحسيمة 114 حالة، فاس مكناس 98، وجهة الرباط سلا 24، بني ملال خنيفرة 9، سوس ماسة 8، الداخلة واد الذهب 7، الجهة الشرقية 5، ودرعة تافيلالت 2.

وتسجلات اليوم 3 حالة وفيات جديدة، ، كلها ففاس، وهكذا وصل الطوطال لـ316.

و115 واحد تشافاو، ووصل المجموع لـ16553، اي بنسبة تعافي د79 فالمية.

والحالات النشيطة بلغ عددها اليوم 4018 حالة، 1383 منها فطنجة تطوان الحسيمة، 1140 فكازا، 749 فجهة فاس مكناس، و379 إصابة فجهة مراكش آسفي، وباقي الحالات كتتوزع على مختلف الجهات الأخرى.

وعدد الحالات اللي فأقسام الإنعاش في تزايد مستمر وبوثيرة مقلقة، وكاينة 72 حالة خطيرة، 7 فيهم تحت التنفس الاصطناعي، وهذ الحالات كتتوزع على الجهات على النحو التالي: كازا سطات ومراكش آسفي 21 لكل منهما، طنجة 17، فاس مكناس 11، وجوج حالات فالرباط.

واليوم تكتاشفات 539، عبر تتبع المخالطين، ودابا وصل عددهم الإجمالي لـ116235، من بينهم 13251 مازالين تحت المراقبة الطبية.

واليوم تستبعدات 20331 حالة إصابة، ووصل المجموع لـ1147226 بعد ما خرجات تحاليلهم سلبية.

وهذا التوزيع الجغرافي للإصابات بالنسبة المئوية:

موضوعات أخرى

03/08/2020 19:00

بنادم كان كيسرق بسباب الجوع والفقر شحال هادي.. دابا البراهش كيسرقو وهوما راكبين على إس آش بربعة دالمليون وكيسرقو على ود الطاسة والبنات والحلويات والحفلات واللباس والماطر والحياة ديال الفيديوكليبات

03/08/2020 17:30

هادشي كيخلع. المغرب حطم للمرة الثالثة متابعة الروكور فعدد الوفيات اليومية بكورونا.. 19 ماتو اليومر و659 تصابو و533 تشافاو.. الطوطال: 401 ماتو و26196 تصابو و18968 تشافاو