گود سبور//

أكد الإسرائيلي أفراهام گرانت مدرب منتخب زامبيا، أن النجم المغربي أشرف حكيمي لاعب باريس سان جيرمان الفرنسي هو أحسن ظهير اأمن فالعالم، ونه يستاهل يكون من اأبرز المنافسين على الكورة الذهبية لأحسن لاعب فالعالم، وبلي ريال مدريد ندمو عليه.

وهضر أفراهام گرانت المدرب السابق لتشيلسي النگليزي وأندية أوروبية اخرى، واللي دابا هو المدرب ديال زامبيا اللي غايلعبو ضد المنتخب المغربي المحلي غدا الخميس ضمن كاس أفريقيا للمحليين، وقال: “أشرف حكيمي هو ظهير أيمن ولكن يقدر يلعب فبزاف ديال ليبوسط فالتيران، وراه يستاهل يكون فلاليست ديال الكورة الذهبية بعد داكشي اللي دار مع باريس سان جيرمان والمنتخب المغربي”.

وكمل المدرب الاسرائيلي، لمنتخب زامبيا، وقال: “ديما كان متألق فالماتشات اللي كايلعب، وخاص يكون من اهم الأسماء البارزة المرشحة للتتويج بالكورة الذهبية، وهو احسن ظهير ايمن فالعالم، وراه ريال مدريد ندمو حيث خلاوه مشى بحالو “.