الرئيسية > آش واقع > الاستقلال مراضيش على مشاركتو فالحكومة.. وقيادي لـ”كود”: نزار بركة مقدرش يفرض البصمة الاستقلالية وصراع البام والاحرار مامعنينش به
11/08/2022 17:30 آش واقع

الاستقلال مراضيش على مشاركتو فالحكومة.. وقيادي لـ”كود”: نزار بركة مقدرش يفرض البصمة الاستقلالية وصراع البام والاحرار مامعنينش به

الاستقلال مراضيش على مشاركتو فالحكومة.. وقيادي لـ”كود”: نزار بركة مقدرش يفرض البصمة الاستقلالية وصراع البام والاحرار مامعنينش به

كود الرباط//

علمت “كود” من مصدر مطلع أن أغلب قيادات حزب الاستقلال، مراضياش على الأداء الحكومي ولا على طريقة تدبير الأغلبية الحالية.

وكشف قيادي استقلالي لـ”كود” :”مخصناش نخبيو الشمس بالغربال راه كولشي باين، خلافات بين الوزراء واضحة، ورؤساء الجماعات كيلقاو مشاكل باش يقضيو مصالح الجماعات ويجيبو مشاريع عند القطاعات الحكومية”.

وقال المصدر نفسه الذي فضل عدم ذكر اسمه، أن عدد من رؤساء الجماعات المنتمين لحزب الاستقلال كيلقاو مشاكل فالتواصل مع القطاعات الوزارية الحالية، ومكاين لي كيقضي ليهم الغرض، عكس الفترة السابقة فاش كانو فالمعارضة.

إضافة إلى ذلك، يوضح ذات المصدر، أن الأمين العام الحالي نزار بركة، مقدرش يفرض البصمة الاستقلالية، ولسان حال قادة الحزب يقول :”كأن الاستقلال مكاينش فهاد الحكومة”، مضيفا بأن الحزب مقدرش يخرج من عنق الزجاجة بسبب الخلافات الداخلية.

وعن الخلاصات والصراعات بين البام والاحرار داخل الحكومة وخارجها، قال المصدر نفسه إن “الاستقلال غير معني بهاد الصراع، والحزب كيفكر حاليا كيفاش يتجاوز مشاكلو الداخلية ويفضي الخلافات بين تيار ولد الرشيد وتيار ال فاسي”، مضيفا :”كاين جوج توجهات داخل الحزب، واحد معارض وباين هادشي وسط البرلمان، والتيار الثاني مؤيد باين تاهو فيه قيادات بحال النعمة ميارة رئيس مجلس المستشارين”.

موضوعات أخرى

28/09/2022 08:00

مصدر فالديوانة لجورنال اسباني : المنتوجات المغربية بوحدها اللي غادي تدخل لسبتة عبر الجمارك التجارية والواردات الاسبانية غادي تدخل للمغرب من طنجة