الرئيسية > آش واقع > الاستقلالي البوزيدي مكفاهش البرلمان وباغي يدير بلوكاج فمقاطعة أكدال الرياض ويمنع اطر شابة ديال الأحرار من الرئاسة
17/09/2021 08:30 آش واقع

الاستقلالي البوزيدي مكفاهش البرلمان وباغي يدير بلوكاج فمقاطعة أكدال الرياض ويمنع اطر شابة ديال الأحرار من الرئاسة

الاستقلالي البوزيدي مكفاهش البرلمان وباغي يدير بلوكاج فمقاطعة أكدال الرياض ويمنع اطر شابة ديال الأحرار من الرئاسة

كود الرباط//

في الوقت الذي قدم فيه حزب التجمع الوطني للأحرار، بروفيلات مكونة من أطر شابة وكفاءات ونساء لرئاسة عدد من المجالس المنتخبة (جهات، جماعات، مقاطعات) لا تزال بعض الأحزاب تحن إلى الماضي عبر الدفع ب”بروفيلات” أكل عليها الدهر وشرب، بل عندها تاريخ سيء في التدبير.

هادشي كاين فعدد من المجالس، وقفنا عليه ف مقاطعة أكدال الرياض على سبيل المثال، بحيث يسعى احد المقربين من خديجة الزومي القيادية الاستقلالية اللي مبقا حتى حد باغيها خصوصا فاللجنة التنفيذية لحزبها، باغي يشد رئاسة مقاطعة اكدال الرياض واخا عندو مقعد برلماني، باغي يجمع بيناتهم.

هاد الاستقلال لي سميتو البوزيدي، باغي صحا  يكون رئيس مقاطعة، مكفاتوش برلماني اللي جاي ف دائرة المحيط. العجب معه هاد الاستقلالي لي باغي ياخد كولشي. في المقابل شفنا الاحرار واخا جاب مقاعد كثيرة في عدد من المقاطعات والجماعات تنازل وعطا الرئاسة لباقي الاحزاب. علاش هاد الاستقلالي مخداش الدرس من الاحرار.

بلغة الارقام، الاحرار عندو 10 مقاعد هو الاول ف اكدال الرياض، موراه الاستقلال ب5 مقاعد ثم فيدرالية اليسار تاهي ب5 مقاعد (الفيدرالية قررت تمشي للمعارضة)  ثم العدالة والتنمية ب4 مقاعد (غاتمشي المعارضة) الحركة ب4 مقاعد والبام 3 والاتحاد 2 والبي بي اس 1.

الاحرار قدم جوج بروفيلات، كلهم شباب، الاول هو وكيل لائحة سميتو كمال العمراني، والثاني وكيفة اللائحة سميتها خلود بساق، مهندسة وشابة، في حين الاستقلال لللي داير بلوكاج قدم البوزيدي لي فايت 60 سنة وسبق ليه كان فالتسيير (2003/2009).. هنا كيبان الفرق بين حزب كيقدم اطر  شابة وكفاءات، وبين حزب باقي متمسك بالبروفيلات القديمة لللي اصلا فشلات فتدبير تشكل مكاتب الغرف المهنية.

البوزيدي عندو دعم من خديجة الزومي، فشل يدير اغلبية خصوصا وان باقي الاحزاب مبغاتش دعمو، بمبرر انه برلماني وخصو يعطي فرصة للشباب.

يشار الى ان جلسات انتخاب رؤساء ونواب وكتاب مجالس الجهات والجماعات والمقاطعات، انطلقت يوم الخميس 16 شتنبر، وستنتهي يوم 25 شتنبر.

موضوعات أخرى

09/12/2021 13:35

وزير الصحة رد على شكايات “تبديد 200 مليار” فصفقات كورونا: درنا الصفقات بطريقة سلسلة وقانونية وراقبتها لجن تفتيشية – فيديو

09/12/2021 13:30

مكاينش فتح الحدود.. وزير الصحة: حتى تسالي 14 يوم لي حددنا فالإغلاق عاد نقررو.. وعودة المغاربة العالقين غايكون بـ”بروتوكول” – فيديو

09/12/2021 12:00

حصري. ضحية فقضية “الجنس مقابل النقاط”: أستاذ جامعي طلب ينعس معايا ومع ختي ومي.. وكان كيصيفطلي البورنو فواتساب وحتى تصويرتو مع شخصية سياسية نافذة