كود سبور//

أكد الاتحاد الفرنسي لكرة القدم، عقوبة الإيقاف الصادرة على المغربي مهدي بنعطية المدير الرياضي لأولمبيك مارسيليا بسبب الأحداث اللي وقعت فماتش الفريق ضد ليل ضمن منافسات كاس فرنسا، ورفض الاتحاد الفرنسي الطعن اللي تقدم به بنعطية.

وقررت لجنة الاستئناف بالاتحاد الفرنسي، تأييد العقوبة الصادرة من لجنة التأديب على  مهدي بنعطية، بالتوقيف ديالو لمدة 3 أشهر نافذة و 3 اشهر موقوفة التنفيذ بسبب السلوك اللي صدر منو فماتش أولمبيك مارسليا وليل يوم 14 يناير الماضي، ضمن منافسات دور الـ32 من كاس فرنسا.

وكان حكم المباراة، طرد المهدي بنعطية خلال اللحظات الأخيرة من المباراة اللي سالا الوقت الأصلي ديالها بنتيجة التعادل الإيجابي 1-1، ومشاو الفريقين إلى ضربات الترجيح اللي عرفت تأهل ليل بعد الفوز على مارسليا بنتيجة 4-3.