كود – كازا ///
استعدادا للموسم السياحي ف اسبانيا، طالبو الباطرونات ديال القهاوي والريسطوات والبيران ف قادس من الحكومة باش تنظيم حملات لاستقدام العمالة من الخارج بحال قطاع الزراعة، ف ظل نقص العمالة المحلية اللي كتعرفها المنطقة وعدم وجود مرشحين مؤهلين.
وحسب يومية إل موندو، أن الفنادق ف المنطقة، على أبواب مهرجانات الربيع وموسم الصيف، وطالب عضو ف الباطرونا ومدير فندق قادس، من الحكومة المركزية باستقدام المغاربة لتعويض النقص في المهنيين.
ودائما حسب الجريدة الاسبانية، تم تقديم الطلب خلال منتدى سياحي نظمته القناة الرسمية الثامنة، حيث أعلن عن ربط اتصالات مع السلطات المغربية “اللي رحبت بهاذ الفكرة”. وقال رئيس فندق قادس “ندرس إمكانية استقدام طلاب مدارس الفندقة المغربية للعمل ف الأندلس”، مضيفا أن بحال هاذ الكونطرات ديال الأجانب خاصهم موافقة وزارة الهجرة.
