الرئيسية > كود-تيفي > “الاختيار” المغربي.. فيلم على “الإخوان” نتجاتو الشركة الناشرة لـ”شوف تيفي” غيتعرض نهار 11 ماي قبل 5 أيام من ذكرى الأحداث الإرهابية ديال كازا
03/05/2022 15:00 كود-تيفي

“الاختيار” المغربي.. فيلم على “الإخوان” نتجاتو الشركة الناشرة لـ”شوف تيفي” غيتعرض نهار 11 ماي قبل 5 أيام من ذكرى الأحداث الإرهابية ديال كازا

“الاختيار” المغربي.. فيلم على “الإخوان” نتجاتو الشركة الناشرة لـ”شوف تيفي” غيتعرض نهار 11 ماي قبل 5 أيام من ذكرى الأحداث الإرهابية ديال كازا

كود كازا //

“الإخوان” الفيلم السينمائي المغربي، اللي نتجاتو شركة “SW MEDIA”، وهي الشركة الناشرة لقناة “شوف تيفي”، غادي يتعرض فالقاعات السينمائية ابتداء من 11 ماي الجاري، أي قبل 5 أيام فقط من حلول ذكرى 16 ماي الإرهابية.

هاد الفيلم الكوميدي، جا فسياق الجدل اللي دارو مسلسل “الاختيار 3” على تجربة تنظيم “الإخوان المسلمين” فمصر خصوصا فالفترة ديال تولي محمد مرسي رئاسة الجمهورية تما، وكيفاش أن “الإخوان” كيتدخلو فالحكم ويهددو فالجيش إيلا مربحوش الانتخابات حسب رواية المسلسل المصري. هاد المسلسل نجح وتبعوه الملاين من المشاهدين فالمنطقة العربية.

هاد الفيلم كيهضر على “الإخوان”، طبعا ماحددش واش كيقصدو “الإخوان” اللي كانو فالسلطة ولا اللي ضد السلطة، ولا السلفيين. من خلال الفقرة الإشهارية للفيلم، طبعا باين بللي كيقصدهم كاملين.

الفيلم تدار بفكرة وسيناريو وحوار عبد العالي لمهر “طاليس”، وإخراج محمد أمين الأحمر.

أبطال الفيلم فيهم “طاليس”، الفنانة فضيلة بن موسى، وعبد اللطيف خمولي، وراوية، وفاطمة بوشن، وصلاح الدين بنموسى، إلى جانب أعضاء فرقة “إيموراجي” من بينهم، الثنائي الكوميدي سعيد ووديع، ورشيد رفيق، ومحمد باسو، وكريمة أولحوس، ومايا فأول تجربة سينمائية ليها، ويوسف أوزيلال وغيرهم. وبان فالفيلم كذلك الصحافي رضوان الرمضاني.

موضوعات أخرى

21/05/2022 09:30

تشكيل حكومة ماكرون الجديدة.. المعطي قبال الكاتب المغربي اللي عايش ففرنسا لـ”كَود”: بعض الأسماء عندهم كاريزما وكولونا هي وحدة من مهندسي السياسة الخارجية الفرنسية اتجاه الدول العربية

21/05/2022 09:00

رئيس اتحاد طنجة للباسكيط ما خلا ما كّال على حزب العدالة والتنمية اللي كان حاكم طنجة: نكرات، ظلاميون، تجار الدين، مطرودون – فيديو