الرئيسية > آش واقع > الاحرار عندو غير 3 الوزرا. بنشعبون ما عمرو حضر لشي اجتماع وعلاش ما يبقاش لابس توني لحمامة وهو كيفضل عشا مع صحابو على اجتماع المكتب السياسي لحزب رجعو وزير
11/10/2019 10:30 آش واقع

الاحرار عندو غير 3 الوزرا. بنشعبون ما عمرو حضر لشي اجتماع وعلاش ما يبقاش لابس توني لحمامة وهو كيفضل عشا مع صحابو على اجتماع المكتب السياسي لحزب رجعو وزير

الاحرار عندو غير 3 الوزرا. بنشعبون ما عمرو حضر لشي اجتماع وعلاش ما يبقاش لابس توني لحمامة وهو كيفضل عشا مع صحابو على اجتماع المكتب السياسي لحزب رجعو وزير

كود احمد الطيب ///

رسميا حزب التجمع الوطني للاحرار كاين فالحكومة باربعة وزراء. كاين عزيز اخنوش فالفلاحة والصيد البحري والتنمية الفلاحية والماء ومولاي حفيظ العلمي وزير التجارة والصناعة والتكنلوجيات الحديثة والاستثمار ومحمد بنشعبون وزير المالية والاقتصاد واصلاح الادارة ونادية فتاح وزيرة السياحة والصناعة التقليدية.

اللي رسميا كيحضر للاجتماعات الحزبية قبل هاد التعيين كان عزيز اخنوش لانو رئيس الحزب ومولاي حفيظ العلمي. نادية فتاح غادية تولي مداومة على الحضور. هادو هما اللي رسميا مع الحزب اما محمد بنشعبون فما كيحضرش للاجتماعات.

مرة عايناتو “كود” فمطعم كازاوي بالتزامن مع اجتماع المكتب السياسي للحزب فالرباط. يعني السيد عاطيهم النخال. كان مع مراتو وصاحبو حتى هو مع مراتو. عشاء عائلي وصافي.

كان الحزب على الاقل يطلب ما يبقاش باسمو مادام ما مسوقش للحزب. كيفاش مستمر فالحكومة بلا ما يتسوق للحزب. على الاقل يحضر للاجتماعات. السيد يسالي خدمتو فالمالية يدخل لدارو ويشوف صحابو.

موضوعات أخرى