كود – كازا ///

قالت جريدة “La Dépêche” الفرنسية، بللي مغربية عايشة فـ فرنسا نصبو عليها بنكيين مزيفين فـ 20 ألف يورو، بعد ما وهموها بأن رزقها غادي يتحط في حساب استثماري، لكن من بعد صدموها وقالو ليها أن الاحتيال عليها هو “لمعاقبة المسلمين الفرنسيين لعدم دعمهم للفلسطينيين في حربهم ضد إسرائيل”.

وحسب المصدر ذاته، فهاذ المرأة اللي من أصل مغربي مطلقة وكتعيش في شقة متواضعة في بلايزانس دو تاتش، وعاد توصلات بـ31 ألف يورو من زوجها السابق بعد 12 من إجراءات الطلاق.

وأودعت المعنية بالأمر مبلغ 20 ألف يورو بناءا على نصيحة هاذ البنكيين المزيفين، من أجل استثمارها وتحقيق الاستقرار المالي بهذه الأموال وشراء شقة صغيرة في المغرب، لكن بعد ما خسرات ليها طوموبيلتها وبغات تسحب 5000 يورو، عرفات راسها طاحت فـ الفخ وفلوسها كاملة مشات. القضية دابا عند بوليس تولوز من 23 أكتوبر الفايت.