كود سبور//

تقلبت احتفلات جمهور باريس سان جرمان بالتأهل إلى فينال دوري أبطال أوروبا، الليلة الماضية فباريس لروينة، بسبب طوموبيل دهست بنادم فالشارع.

وحسب وسائل إعلام فرنسية، فثلاثة ديال الناس تضربو واحد منهم الحالة ديالو حرجة، بعدما دهستهم طوموبيل حدا الشانزليزي فالعاصمة الفرنسية باريس الليلة اللي فاتت، ملي كانو مشجعي باريس سان جيرمان محتفلين بتأهل فريقهم لنهائي دوري أبطال أوروبا لكرة القدم.

وقال مسؤول فالبوليس الفرنسي  فتصريح لجريدة “ديلي ميل” أن المشجعين ديال باريس سان جرمان تبعو بوكوفينا وشعلو فيها العافيا بعدما دخلت فبنادم، اما الإعلام الفرنسي فقال انه مازال ما تعرف شكون كان سايگ الطوموبيل اللي من النوع الفاخر، وان اللي كانوا راكبين فيها هربو، وبالمقابل تشدو كثر من 40 واحد، كانو باغيين يشعلو العافيا فالطوموبيل.