كود كازا //

فعملية شد الحبل بين الوزارة والتنسيقات ديال الاساتذة اللي مسيطرين عليها العدل والاحسان خرجو رجال التعليم رابحين فهاد الجولة.

حسب مصادر “كود” فان النقابات الاربع اللي تجمعات اليوم برئيس الحكومة ووزراء التربية والتعليم والمالية والشغل بالاضافة الى الوزير المنتدب المكلف بالميزانية هاد الصباح بالرباط تقرر:

تجميد النظام الاساسي لموظفي وموظفات التعليم

تحسين دخل هاد الفئة

فتح النقاش فقضية الاقتطاعات اللي مازال ما تنفداتش. اما اللي تقررات وغادية تنفد فاخر الشهر فلا تراجع عنها

وحسب مصدر “كود” ستبدأ اللجنة المشتركة بين الوزارات المعنية وبين النقابات فاجتماعات غادي يكون اولها نهار لخميس الجاي

وتحدد تاريخ 15 يناير كحد اقصى للتوصل لحل نهائي

بخصوص عودة التلاميذ للمدارس فانه تقرر انو فهاد الدينامية ديال الحوار خاص التلاميذ يرجعو للاقسام

اي ما كانش شي شرط يفرض على النقابات يرجعو. خرجو رابحين هاد النقابات