الرئيسية > كود-تيفي > الاتهام بتضييع 100 تلميذ من الفرنساوية بفاس..البرلمانية زيزي لـ”كود”: المدير الإقليمي للتعليم روج معطيات مغلوطة وما عندوش الحق يرد علي – فيديو
29/04/2021 11:00 كود-تيفي

الاتهام بتضييع 100 تلميذ من الفرنساوية بفاس..البرلمانية زيزي لـ”كود”: المدير الإقليمي للتعليم روج معطيات مغلوطة وما عندوش الحق يرد علي – فيديو

الاتهام بتضييع 100 تلميذ من الفرنساوية بفاس..البرلمانية زيزي لـ”كود”: المدير الإقليمي للتعليم روج معطيات مغلوطة وما عندوش الحق يرد علي – فيديو

كود الرباط//

البرلمانية امنة فوزي زيزي، عن فريق البي جي دي، دارت سؤال كتابي حول ضياع التلاميذ باعدادية أم سلامة بفاس، من حصص اللغة الفرنسية طيلة هذا الأسدس.

وحسب مصادر “كود”، الغريب في الأمر، أنه بدل ما يجاوب وزير التربية الوطنية، ناض المدير الاقليمي للوزارة بفاس، وجاوب ف تدوينة على الفايسبوكية، وجاب بعض المنابر للثانوية باش يرد على سؤال برلماني عادي، كايدخل في اختصاص العمل الرقابي ديال نواب الأمة.

وفي هذا الصدد أوضحت البرلمانية زيزي في اتصال مع “كود” أن “المدير الاقليمي معندوش الحق يجاوبني لأن السؤال موجه للوزير، وكنائبة برلمانية من صلاحيتي الرقابة وعندي نبلغ ونرفع الصوت ديال عالي لانتزاع حق المواطنين”.

وأفادت أنها تتوفر على تسجيلات وتتواصل مع عائلات التلاميذ الذين أكدوا جميعا بلي  أزيد من 100 تلميذ وتلميذة فالمستوى الأولى اعدادي مقراوش الفرنسية في الأسدس الثاني فهاد الموسم الدراسي، وذلك بثانوية اعدادية ام سلمة بفاس.

واتهمت زيزي مديرية التعليم بفاس باستغلال التلاميذ للرد على سؤالها الكتابي، مؤكدة أنه “تم تزوير الحقائق في اشرطة الفيديو التي نشرت والتي استغلت تلميذ وتلميذة للرد على سؤال البرلمانية” وفق تعبيرها.

وقالت زيزي إنها “:متأكدة مليون مرة من معلوماتها وبأن التلاميذ ضاعو فدراستهم”، مضيفة :”الوزير بلوكاني فالواتساب وهذا مشكل حقيقي، حنا كنواب مهمتنا نوصلو مشاكل المواطنين للحكومة”.

وأوضحت المتحدث :”غالبا مكانمشيش للاسئلة، كنحول الشكايات والرسائل ديال المواطنين للوزير باش يحل المشاكل ديال الناس وهادشي لي كيتم، وفعلا رسلت للوزير امزازي شكايات الناس اللي وليداتهم ضايعين فاعدادية ام سلمة بفاس”.

وتابعت زيزي لـ”كود” :”اليوم تواصلت مع أولياء الأمور بالاعدادية لا تزال الوضعية هي هي”.

وقالت زيزي :”هادي كثر من 4 سنوات وانا فالبرلماني عمرني درت المزايدات ولا ترافعت على ملف بدون التأكد من المعطيات”.

المدير الاقليمي للتربية الوطنية رد على البرلمانية زيزي بالقول :”بناء على زيارة مواكبة اقليمية للمؤسسة بتاريخ 23 أبريل الجاري، تبين أن سير انجاز المقرر عاد حيث من اصل 10 وحدات، تم انجاز 8 وحدات دراسية”.

المدير نفسه تساءل :”اذا كان من حق ممثل اللمة ان يتابع قضايا الشأن العام وهذا واجبه طبعا، لماذا لا يتم البحث عن المعلومة في اصلها؟”. المدير شكك ف الاديوهات اللي عند البرلمانية.

البرلمانية قالت لـ”كود” بأنها متأكدة مليون مرة من معلوماتها ويجب تصحيح الخطأ .

“كود” حصلت على تسجيلات فالموضوع.

الفيديو:

https://fb.watch/59z_JIJePn/

موضوعات أخرى

14/05/2021 12:00

سيدنا من فاس للقوات المسلحة الملكية: غادي تبقاو مفخرة لجميع المغاربة و تنويه خاص بتفاعلكم السريع لتعزيز أمن الكَركَرات و الدفاع على وحدتنا الترابية

14/05/2021 11:00

من بعد حملة كبيرة ديال لمغاربة ف تويتر.. الفوكونط اللي موراه مخابرات الدزاير وكانت طلقات فيه إشاعة على الهمة تسد هاد الصباح – تصاور