كود سبور//

تستمر الأندية السعودية فخلق البوز فهاد الميركاتو الصيفي، بالصفقات العالمية اللي كدير، واللي من خلالها كتجيب نجوم كرة القدم الأوروبية يلعبو عندها، وبداو بالأسطورة البرتغالية كريستيانو رونالدو وتبعوه الفرنسي بنزيما ومازال كيجيبو فالنجوم.

جديد المفاجأة ديال الفرق السعودية، هو اللي أعلن عليه نادي الاتفاق السعودي غير دابا من عصر اليوم الاثنين، وكيتعلق الأمر بأسطورة ليفربول ستيفن جيرارد والتعيين ديالو كمدرب للفريق.

وغيبدا ستيفن جيرارد الخدمة ديالو كمدرب للاتفاق السعودي ابتداء من الموسم الجاي، وراه سبق له درب كلاسكو رينجرز الإسكتلندي واتسون فيلا الإنجليزي.