گود سبور//

خرج الاتحاد النيجيري لكرة القدم، كايدافع على اللاعبة ديالو إستر اوكورونكو، وكايدّعي انها تعرضت للعنصرية على مواقع التواصل الاجتماعي، حيث زعما كشفت فسطوريات على انستغرام تعرض لاعبات المنتخب النيجيري النسوي للسرقة فأوطيل فكازا اللي كاينين فيها حيث مشاركين فكاس افريقيا ديال العيالات، وراه البوليس شدو المشتبه فيه بسرقة لفلوس واللي قيمتها حوالي 10 ألاف درهم.

وانشر الاتحاد النيجيري لكرة القدم بلاغ مساء اليوم الاثنين قال فيه: “كايدين الاتحاد النيجيري لكرة القدم بزاف الإساءة العنصرية اللي ما مقبولاش الموجهة إلى مهاجمة منتخبنا، إستر أوكورونكو، على وسائل التواصل الاجتماعي بعد الحادث الأخير فلوطيل المنتخب فالمغرب”.

وكملو النيجيريين وقالو فالبلاغ ديالهم: “العنصرية ما عندها حتى بلاصة فالكورة والمجتمع، والإساءات العنصرية والرموز التعبيرية الموجهة للاعبتنا ما عندها معنى، خصوصا وأن الشخص المسؤول على الشفرة شدوه، ورجع لفلوس اللي شفر كاملين”.