كود سبور//

جراو فريق الاتحاد الليبي على أول لاعب مغربي بعد موجة الانتقالات ديال اللاعبين المغربة من البطولة المغربية إلى البطولة الليبية، خصوصا خلال مرحلة الانتقالات الشتوية الماضية.

وأول الضحايا ديال البطولة الليبية من اللاعبين المغاربة هو زهير مارور اللاعب السابق لفريق الجيش الملكي، حيث أعلن نادي الاتحاد الليبي أنهم فسخو العقد ديالهم معه اليوم الأربعاء بعدما كانوا سناو معه خلال فترة الانتقالات الصيفية الماضية.

وبالمقابل، أعلن نادي الاتحاد الليبي أن الدولي الموريتاني بونا عمر اللي جابوه من فريق الوداد الرياضي خلال الانتقالات الشتوية الماضية، توعت وخاصو يرتاح على الأقل مدة 10 ايام، مع العلم أن اللاعب ملي كان فالوداد كان كايغيب مرة مرة بسبب الإصابة اللي عندو فرجليه واللي خاصها عملية ولكن هو متردد باش يديرها.