كود سبور//

قرر الاتحاد الفرنسي لكرة القدم، توقيف المغربي مهدي بنعطية المدير الرياضي لنادي مارسيليا الفرنسي بسبب واقعة الطرد اللي تلقاه خلال ماتش الفريق ضد ليل ضمن منافسات كأس فرنسا، وهذا الشي حسب جريدة ليكيب الفرنسية.

وكشفت “ليكيب” أن الاتحاد الفرنسي لكرة القدم، قرر يوقف مهدي بنعطية احترازيا هو ورئيس ليل بسبب سوء السلوك فماتش مارسليا وليل يوم 14 يناير الماضي، وأنه من المنتظر تصدر اللجنة التأديبية برابطة الدوري الفرنسي العقوبة في حقهما بالتوقيف والغرامة.

وخلق طرد المغربي مهدي بنعطية المدير الرياضي لنادي أولمبيك مارسيليا الفرنسي خلال مباراة الفريق أمام ليل ضمن منافسات دور الـ32 من كأس فرنسا، واحتجاج النجم المغربي القوي على التحكيم.

وطرد حكم المباراة، المهدي بنعطية خلال اللحظات الأخيرة من المباراة اللي سالا الوقت الأصلي ديالها بنتيجة التعادل الإيجابي 1-1، ومشاو الفريقين إلى ضربات الترجيح اللي عرفت تأهل ليل بعد الفوز على مارسليا بنتيجة 4-3.

وخرج المهدي بنعطية بعد نهاية الماتش، بتصريحات قوية احتج من خلالها على قرارات الحكم، وقال فهاد التصريحات اللي تناقلتها وسائل إعلام فرنسية نقلا عن شبكة “bein sports” هذا الشي اللي عشتو خطير، طلبت من الحكم الرابع باش يقول لحكم الساحة أنه كاين بيلانتي لمصلحة جوناثان رو لاعب مارسليا، ولكن قال بلي أنا هددتو.. جيبو الصور نشوفوها”.

وكمل بنعطية وقال: “تدخلت باش نفك المدرب ديالنا ورئيس ليل، وهو يعطيني حكم الساحة الحمرا بعدما هضر معه الحكم الرابع، وقاليا نعتي ليا بصبعك وهددتيني، علاش ما كايخليونيش نهضر كانحس براسي مخنوق واش ما عنديش الحق ندافع على الفريق ديالي؟ باش كايتميزو الآخرين عليا أنا؟”.