كود سبور//

كشفت جريدة “الرياضية” السعودية، ان الاتحاد العربي لكرة القدم، حدد موعد بطولة كاس العرب للاندية اللي غاتكون فمصر.

وحسب الجريدة السعودية المذكورة، فالاتحاد العربي قرر تلعب بطولة كاس العرب الصيف الجاي، ما بين 25 يوليوز و 11 غشت.

وباغي الاتحاد العربي يتنسى نهاية كاس العالم للاندية2025 فالميريكان اللي غاتكون بين 15 يونيو و 13 يوليوز 2025، باش يضمن مشاركة الوداد والاهلي المصري، والترجي التونسي، والهلال السعودي والعين الإماراتي مع باقي ابرز الاندية العربية الاخرى بحال الرجا.

مع العلم انه كاين تحدي اخر حيث كاس افريقيا للمحليين غايكون فغشت، والأندية العربية الافريقية غايكونو اللاعبين ديالها مشاركين مع منتخباتهم بحال المنتخب المغربي.