گود سبور//

مازال الازمة بين السويسري جياني انفانتينو رئيس الاتحاد الدولي لكرة القدم، والمعارضين ديالو اللي كايتزعمهم الاتحاد الاوروبي لكرة القدم، كاتكبر، والأوروبيين والآسيويين الكونكاكاف اتفقو على رئيس الفيفا ودارو بلاغ مشترك كايهاجمو فيه.

وخرج الاتحاد الأوروبي لكرة القدم والاتحاد الآسيوي للعبة والكونكاكاف بلاغ مشترك اليوم الاثنين، كايهاجمو فيه سياسة جياني انفانتينو رئيس الفيفا، وقال له ان كرة القدم ماشي مِلك لشي حد، وهذا الشي فاشارة لمقترح مشروع تحويل كاس العالم لشركة وبيع اسهمهما لمستثمرين، وهو المشروع اللي تراجع عليه رئيس الفيفا، حيث بسبابو ناض هذا الصداع.

وقالو الاتحادات بثلاثة، ان القيادة ديال كرة القدم ماشي مِلكية سلطتها عند شي واحد، وانه ملي ما كاتبقاش الثقة فشي واحد بسبب التخلويض، وملي كايولي الفرد فوق الجماعة اللي امناتو على السلطة، كايكون سمح فهاد الواجب”.

وطالبو الاتحادات بثلاثة لتغيير القيادة فالفيفا، إلى قيادة كاتخدم كرة القدم ماشي قيادة باغيا تسيطر عليها.