كود سبور//

عاقب الاتحاد الأوروبي لكرة القدم نجم النگليز جود بيلنگهام ونجم تركيا ميريح ديميرال، بسبب حركات لا أخلاقية وعنصرية دروها فثمن نهائي كأس أوروبا 2024.

وقرر الاتحاد الأوروبي معاقبة جود بيلينكهام والتوقيف ديالو لمدة ماتش واحد موقوف التنفيذ، بسبب الحركة اللي دار تجاه مدرجات الجمهور الخصم، فماتش النگليز وسلوفاكيا ملي ماركا الهدف الثاني، ومن المنتظر يلعب الربع ضد سويسرا.

وعاقب الاتحاد الأوروبي ميريح ديميرال بالتوقيف لمدة 2 ماتشات، بعد الحركة اللي دار فماتش تركيا والنمسا، وهي الحركة اللي كترمز لشعار جماعة الذئاب الرمادية وهي جماعة متطرفة فألمانيا، وما غايلعبش ضد هولندا.