گود سبور//

ناويين الاتحاد الاوروبي لكرة القدم، يفتحو تحقيق فقضية علاقة حميمية ديال السويسري جياني انفانتينو رئيس الاتحاد الاوروبي لكرة القدم، مع شي موظفة فالاتحاد الأوروبي لكرة القدم، ملي كان انفانتينو امين عام د الجهاز الاوروبي، وهذا الشي حسب ما كشفت عليه جريدة “ليكيب” الفرنسية.

وقالت الجريدة الفرنسية، ان الاتحاد الأوروبي لكرة القدم باغيين يعرفو شي حاجة كثر على سلوك جياني إنفانتينو فالوقت اللي كان فيه انفانتيو فالاتحاد الأوروبي لمدة 15 عام.

وكايدرسو الاتحاد فتح تحقيق مايركز بشكل خاص على الموظفة السابقة اللي تقال ان انفانتينو عندو علاقة غرامية معها، وانها تعطاوها فلوس ملي مشات البوسط ديالها لتمويل قرايتها الجامعية.

ودابا فمقر الاتحاد الأوروبي لكرة القدم، فنيون، فسويسرا، كاينين بزاف من الشخصيات رفيعة المستوى كايضغطو باش يدار تحقيق شامل فهاد القضية، باش يعرفو شحال ديال الفلوس تعطات بسبب هاد العلاقة وواش هذا الشي كان اثرت على القرارات ملي كان انفانتينو امين عام د الاتحاد الأوروبي لكرة القدم ما بين 2009 و 2026.

اما جياني انفانتينو راه خرج كايدافع على راسو، من خلال المتحدث باسم الفيفا، واللي نفى ادعاءات اقامة انفانتينو علاقة مع موظفة فالاتحاد الاوروبي لكرة القدم، ملي كان امين عام د الجهاز الاوروبي، وقال انها ادعاءات ماشي صحيحة، واعتبرها تشهير.