الرئيسية > آش واقع > الإنتخابات المهنية 2021.. صراع كبير بين “الحمامة” و “البام” على رئاسة غرفة التجارة والصناعة و الخدمات فـ الشرق
04/08/2021 21:30 آش واقع

الإنتخابات المهنية 2021.. صراع كبير بين “الحمامة” و “البام” على رئاسة غرفة التجارة والصناعة و الخدمات فـ الشرق

الإنتخابات المهنية 2021.. صراع كبير بين “الحمامة” و “البام” على رئاسة غرفة التجارة والصناعة و الخدمات فـ الشرق

كمال لمريني – كود وجدة //

ناض صداع كبير بين حزب التجمع الوطني للأحرار و حزب الأصالة والمعاصرة، على رئاسة غرفة التجارة والصناعة والخدمات بجهة الشرق، حيت رفعوا من الإيقاع نتاعهم و كايحاولوا يخلقوا توازنات على مستوى الجهة، بغرض الحصول على رئاسة الغرفة بأي طريقة، بعدما لم يتم الاتفاق بين الحزبين على الغرف اللي غادي يترأسها كل حزب.

وذكرت مصادر لـ”كَود”، أن خالد البرنيشي ولد مدينة كَرسيف اللي مرشح بإسم “البام”، وناوي ياخذ رئاسة غرفة التجارة نازل بكل الثقل ديالو حيت كايتوفر على دعم قوي من قبل قيادة الأصالة والمعاصرة، وهادشي خلاه يبذل مجهود كبير باش يكون رئيس ديال الغرفة المذكورة.

وحسب عدد من المتتبعين فإن السمعة ديال مرشح “البام”، كاتخليه يكون منافس قوي على رئاسة الغرفة، في حين أن حفيظ الجارودي، مرشح حزب التجمع الوطني للأحرار، واللي كان رئيس غرفة التجارة من قبل تاهو عندو حظوظ، غير أن المنافسة ديال “البام” كاتشكل عليه “خطورة”.

و كشفات مصادر “كَود”، أن الجارودي، وبحكم التجرية اللي كسبها في مجال تسيير غرفة التجارة فمدينة الناظور، كاتخليه يكون الأوفر حظا لترأس غرفة التجارة والصناعة والخدمات بجهة الشرق، خاصة، تضيف المصادر، وأنه رسم خطة مدروسة للحصول على أكبر عدد من الأصوات بمختلف أقاليم الجهة، باستثناء إقليمي تاوريرت وكَرسيف، اللي عندو فيهم تمثيلية ضعيفة.

وعطات الزيارة الأخيرة، اللي دار عزيز أخنوش، رئيس حزب التجمع الوطني للأحرار، لجهة الشرق، دفعة قوية للمرشحين ديال “الحمامة” فـ الانتخابات الخاصة بالغرف المهنية، وهادشي خلاهم يرفعوا من وتيرة الاشتغال ويتواصلو مع المعنيين بالتصويت، على أمل الحصول على رئاسة الغرف اللي باغي ياخذها الحزب ديالهم.

موضوعات أخرى

20/09/2021 18:00

هل هذا هو الجزاء الذي يستحقه الاتحاد الاشتراكي! كم أساء هذا الحزب لنفسه من أجلكم. وكم ضحى بسمعته. وفي النهاية تستكثرون عليه مشاركة في الحكومة