كود سبور//

قررت السلطات الهولندية الإفراج عن البطل العالمي المغربي بدر هاري، اللي شدوه البوليس فهولندا الاحد الماضي بسبب الاعتداء على الطليقة ديالو حسب ما ذكرت وسائل إعلام هولندية.

وكشفت ما جريدة De Telegraaf الهولندية مساء اليوم الاربعاء، ان قاضي التحقيق بمحكمة امستردام قرر رفع الاعتقال الاحتياط عن بدر هاري فالقضية المتابع فيها بالاعتداء على الطليقة ديالو اللي شاكية به، وصدر القرار بشروط منها انه ما يقربش من الشارع اللي فيه دار الطليقة ديالو.

وكانت كشفت جريدة De telegraaf الهولندية، يوم الاثنين الماضي ان البطل العالمي المغربي بدر هاري شدوه البوليس الاحد اللي فات بالعاصمة الهولندية امستردام، حيث تعدى على الطليقة ديالو دافني روماني ملكة الجمال الهولندية اللي والد معها 5 الاطفال.

وحسب الجريدة الهولندية، فبدر هاري تعدى على الطليقة ديالو بأمستردام بعد ظهر الأحد الماضي، عند تسليم والدهم حيث الأطفال الخمسة للزوجين السابقين كايبقاو مع الأم بعد الطلاق، وكايمشي الاب ياخدهم باش يشوفهم ويخرجهم في أوقات محددة.

وقالت الجريدة الهولندية، أن بدر هاري ضرب الطليقة ديالو عدة مرات فوجهها بعد نقاش حاد، وهذا الشي ملي ضاربو عند الباب وانها توعتت، والكاميرات صورت هذا الشي ودابا الصور عند البوليس اللي فاتحين تحقيق فهاد الشي.