كود سبور//

كشفت وسائل إعلام إسبانية اليوم الاربعاء، أن ريال مدريد الإسباني ما بقاش باغي بجيب الدولي الفرنسي كيليان مبابي نجم باريس سان جيرمان الفرنسي.

ومن بين المنابر الإعلامية الإسبانية اللي نشرت الخبر راديوSER، وأكد أن ريال مدريد ما بقاوش باغيين كيليان مبابي، حيث ما بقاوش كيشوفو أنه مناسبهم ماليا ورياضيا، وأنه إذا جا الفريق ممكن يخلق هذا الشي مشكل فالفيستيير، وبلي حتى المشجعين ديال ريال مدريد ما بقاش عندهم اهتمام به حيث ما كانتش عندو الجرأة باش يوافق وينتقل عندهم فالصيف الماضي.

وكان ريال مدريد الإسباني علن قبل أيام أنه ما كيتفاوضش حاليا مع كيليان مبابي باش يتعاقد معه، وأن كل ما راج مؤخرا بأن النادي فتح قنوات التواصل معه باش يسني معه غير كذوب.