عمـر المزيـن – كود//

الإطار البنكي اللي ضرباتو غرفة الجنايات الابتدائية المكلفة بجرائم الأموال بمحكمة الاستئناف بالرباط، الأسبوع الماضي، بسبب اختلاس فلوس صحيحة بالعملة الوطنية والأجنبية خاصو يخلص فلوس صحيحة لبنك المغرب وللديوانة.

هاد الإطار البنكي اللي كان خدام فشي مؤسسة بنكية معروفة فمدينة تطوان من أجل “اختلاس وتبديد أموال عمومية وخاصة” تحكم عليه بالسجن النافذ لمدة 5 سنوات، بالإضافة إلى تعويضات كبيرة خاصو يحطها.

وفي الدعوى المدنية التابعة فقد حكم على المتهم بأدائه لفائدة “بنك المغرب” تعويضا مدنيا قدره 3000000.00 درهم وبإرجاع المبلغ المختلس المقدر في 613640.00 أورو، وبأدائه لفائدة إدارة الجمارك مجموع الغرامات المحددة في 11153706.00 درهم.

فضيحة هاد الإطار البنكي السابق تفجرات مني وقفات الإدارة المركزية ديال المؤسسة البنكية اللي كان خدام فيها على اختلاس فلوس صحيحة، ومنها فلوس الزبناء بين سنتي 2021 و2022، قبل أن تتقدم هذه الأخيرة بشكاية في مواجهته أمام الوكيل العام للملك بالرباط واللي تقدم بملتمس كتابي لقاضي التحقيق المكلف بجرائم المالية باش يحقق معاه فهادشي.