الرئيسية > آش واقع > الإصابات بكورونا كيتزايدو نهار نهار..لليوم الخامس كنسجلو 1000 إصابة واليوم تقاسو 1500 ف24 ساعة
10/07/2021 16:22 آش واقع

الإصابات بكورونا كيتزايدو نهار نهار..لليوم الخامس كنسجلو 1000 إصابة واليوم تقاسو 1500 ف24 ساعة

الإصابات بكورونا كيتزايدو نهار نهار..لليوم الخامس كنسجلو 1000 إصابة واليوم تقاسو 1500 ف24 ساعة

كود كازا//

لليوم الخامس على التوالي كنفوتو 1000 إصابة بكورونا، واليوم عاد القضية زادت تكفسات منين قفلنا 1500 إصابة فأقل من 24 ساعة، وهو العدد اللي كنا سجلناه آخر مرة من أيام ما قبل التلقيح.

اليوم السبت 10 يوليوز تقاسو بالضبط 1566 بالفيروس، وماتو 9، وفالمجموع 870 كيتعالجو، وغير 6000 اللي تلقحو بالجرعة اللولة

لكن فالمقابل، عدد التحاليل اليومية دابا ولا كيفوت 22 الف فالنهار، ماشي بحال قبل.

التلقيح:

وتلقحو اليوم 6984 بالجرعة الأولى، ووصلو فالمجموع  ل10356845، وتلقحو بالجرعة الثانية 1233، ووصلو فالمجموع ل9221525.

الإصابات:

تقاسو اليوم 1566 واحد من أصل 22939 واحد دار التحليلة، ووصل عدد المصابين فالمجموع ل541405.

ومؤشر الإصابة التراكمي وصل ل1487,7 لكل 100 ألف نسمة، بمعدل 4,3 لكل 100 ألف نسمة فهذ 24 ساعة.

حالات الشفاء:

تشافاو اليوم 870، ووصل الإجمالي ل523998، بنسبة تعافي ديال 96,8 فالمية.

الوفيات:

واليوم ماتو 9، 4 فكازا، وواحد فكل من اكادير وتارودانت وقلعة السراغنة وفاس والعيون، ووصل هكذا عدد الوفيات ل9360، بنسبة فتك 1,7 فالمية.

الحالات النشيطة والحرجة:

وعدد الحالات النشيطة طلع ل8047، وعدد الحالات الحرجة وصل ل288، 41 تدهورات غير اليوم، و12 تحت التنفس الصناعي الاختراقي.

موضوعات أخرى

31/07/2021 11:00

شوف البؤس والانحطاط والتجني وقلة الترابي وانعدام الأخلاق والمبادئ والفقر الحقوقي والانساني لي وصلات ليهم الجمعية المغربية لحقوق الانسان لي من بعد ماتحولات لحانوت ديال تاعطايت هاهي دابا كتحول لمحكمة تفتيش وباغا تدعي قضائيا موقع كود