الرئيسية > آش واقع > الإصابات بكورونا غاديين وكيطلعو.. اليوم تقاسو 1897 وماتو 11 و161 ألف خداو الجرعة اللولة من التلقيح
13/07/2021 16:04 آش واقع

الإصابات بكورونا غاديين وكيطلعو.. اليوم تقاسو 1897 وماتو 11 و161 ألف خداو الجرعة اللولة من التلقيح

الإصابات بكورونا غاديين وكيطلعو.. اليوم تقاسو 1897 وماتو 11 و161 ألف خداو الجرعة اللولة من التلقيح

كود كازا//

اليوم الثلاثاء 13 يوليوز وصلنا لكثر من 1800 واحد تقاص بفيروس كورونا المستجد فهذ 24 ساعة، هذا كيعني أن الإصابات مازال كتزاد نهار على نهار، وقراب نوصلو ل2000 إصابة فاليوم الواحد.

وماتو اليوم 11، وفالمجموع ولاو 9453 اللي كيتعالجو، وغير 194001 اللي تلقحو بالجرعة اللولة.

التلقيح:

وتلقحو اليوم 161332 بالجرعة الأولى، ووصلو فالمجموع  ل10713551، وتلقحو بالجرعة الثانية 98733، ووصلو فالمجموع ل9409395.

الإصابات:

تقاسو اليوم 1897 واحد من أصل 21394 واحد دار التحليلة، ووصل عدد المصابين فالمجموع ل545016.

ومؤشر الإصابة التراكمي وصل ل1497,5 لكل 100 ألف نسمة، بمعدل 5,2 لكل 100 ألف نسمة فهذ 24 ساعة.

حالات الشفاء:

تشافاو اليوم 882، ووصل الإجمالي ل526168، بنسبة تعافي ديال 96,5 فالمية.

الوفيات:

واليوم ماتو 11، ووصل هكذا عدد الوفيات ل9395، بنسبة فتك 1,7 فالمية.

الحالات النشيطة والحرجة:

وعدد الحالات النشيطة طلع ل9453، وعدد الحالات الحرجة وصل ل338، 62 تدهورات غير اليوم، و10 تحت التنفس الصناعي الاختراقي.

موضوعات أخرى