كود سبور//

تطرق الإعلام الإسباني لاستدعاء الطالياني كارلو أنشيلوتي مدرب ريال الإسباني للاعب المغربي الشاب يوسف لخديم من ليسبوار إلى الفريق الاول، وكونفوكاه باش يكون حاضر ضد أتلانتا الطالياني ضمن دوري أبطال أوروبا غدا الثلاثاء.

وهضر موقع “relevo” الإسباني، لصعود المغربي يوسف لخديم إلى الفريق الاول لريال مدريد، ووصفو باللؤلؤة، وقال أنه من أبرز المواهب اللي طالعين من أكاديمية ريال مدريد وعندو امكانيات كبيرة، اللي تخليه يطلع للفريق الاول ويدير بلاصتو، وراه مفششيون وكايقولو له “يوسي”.

وحسب نفس المصدر، فيوسف لخديم مول الـ19 عام، اللي هو ظهير أيسر قدر دغيا يدير بلاصتو مع ليسبوار ديال ريال مدريد ملي وصل لهذه المرحلة، وكاين اهتمام كبير به والاستدعاء ديال انشلوتي له ماشي مفاجأة، وهذا الشي بالإضافة إلى ان اللاعب عندو شخصية قوية وغائبون عندو وزن فالفريق الإسباني مستقبلا

وكشف نفس الموقع، أن يوسف لخديم كانت تابعاه اطماع اندية اخرى باش يربحو الخدمات ديالو، ومن بينها نادي خيتافي الإسباني، اللي قدمو عرض باش يسنيو معه، ولكن ريال مدريد ما بغاوش حيث مؤمنين بالقدرات ديال اللاعب وسناو معه عقد حتى 2028، لضمان انه يبقى بالفريق، ودابا جا الوقت باش ياخد الفرصة ديالو ويبدا بلعب دقائق مع الفريق الاول لريال مدريد، قبل ما يبداو المغرب يعيطو له باش يلعب معهم حيث كانو عيطو له فمارس اللي فات، بعدما بدل الجنسية الرياضية من الإسبانية بلاد بآه إلى المغربية بلاد ماماه.